Related Posts
Category : National
કાશીમાં ન્યાય યાત્રા…બાબા વિશ્વનાથનાં દર્શન:યાત્રામાં રાહુલના ડુપ્લીકેટ સાથે સેલ્ફી લેવા લોકોની પડાપડી
રાહુલ ગાંધીની ભારત જોડો ન્યાય યાત્રા 35માં દિવસે વારાણસી પહોંચી હતી. યુપીમાં ન્યાય યાત્રાનો આ બીજો દિવસ છે.
રાહુલ કાશીમાં 12 કિલોમીટરની યાત્રા કરશે. આ દરમિયાન કોંગ્રેસના નેતાઓ વિશ્વનાથ ધામમાં દર્શન અને પૂજા અર્ચના કરી. ગોદૌલિયા ચારરસ્તા પર તેમની જાહેર સભા છે. કુરોના ગામમાં બપોરનું ભોજન લેશે. રાહુલની સાથે વરિષ્ઠ નેતા જયરામ રમેશ, કોંગ્રેસ પ્રદેશ અધ્યક્ષ અજય રાય સહિત અનેક નેતાઓ છે.
ચંદૌલીમાં મોડી રાત્રે રાહુલ BHUના 25 પ્રોફેસરો અને વિદ્યાર્થીઓના પ્રતિનિધિઓને મળ્યા હતા. રાહુલે IIT-BHU ગેંગરેપ કેસ પર ચિંતા વ્યક્ત કરી હતી. ચંદૌલીમાં જાહેર સભા દરમિયાન રાહુલે કહ્યું હતું કે દેશમાં ફેલાયેલી નફરત અને હિંસા અન્યાયના કારણે છે. ખેડૂત યુવાનો સાથે સામાજિક અને આર્થિક અન્યાય થઈ રહ્યો છે. પાકિસ્તાન પર બોલશે પણ મોંઘવારી અને બેરોજગારી પર બોલશે નહીં, કારણ કે તેઓ તમારા નહીં પણ અદાણીના છે.રાહુલ ગાંધી કાશી વિશ્વનાથ મંદિરમાં દર્શન અને પૂજા કરી રહ્યા છે. આ દરમિયાન મુખ્ય ગેટ નંબર 4 પર ભારે ભીડ અને નાસભાગ જેવી સ્થિતિ જોવા મળે છે. મંદિર જતા પહેલા રાહુલ પોતાનો મોબાઈલ સ્વીચ ઓફ કરી મંદિરમાં દર્શન કરવા ગયા હતા.રાહુલનો કાફલો હવે વિશ્વેશ્વરગંજથી મૈદાગીન તરફ જઈ રહ્યો છે. આ દરમિયાન ભાજપ અને એબીવીપીના નેતાઓએ રાહુલની જીપ આગળ જય જય સિયારામના નારા લગાવ્યા હતા. આ દરમિયાન તેમના હાથમાં ભગવાન શ્રી રામનું મોટું પોસ્ટર પણ હતું.
Load more
